Na noite do 10 de xaneiro, por volta do 22.30h o Novo Judiña, un arrastreiro con base na Coruña afundiu a 40 millas do Cabo Ortegal por mor dunha vía de auga.
Após dar a alarma e antes de que o buque afundira, a tripulación (11 persoas) puido botarse á auga nun bote salvavidas. Posteriormente acudiu ao seu resgate o helicóptero Helimer e un mercante que navegaba na zona.
As 11 persoas foron evacuadas e trasladadas ao Complexo Hospitalario Universitario da Coruña (CHUAC) para proceder a un exame médico.