A sinistralidade laboral en Galiza non deixa de se manter en niveis para alén do preocupante. Somos o único territorio do Estado que está no máis alto no índice de incidencia tanto en sinistros laborais graves como mortais.
Así, e nestes primeiros meses de ano, tivemos un índice de incidencia de 5,3 en accidentes mortais, só superada por Cantabria (7,4). Isto é, máis de 5 accidentes moratis por cada 100.000 traballadores e traballadoras.
En índice de incidencia de accidentes graves temos 56,7 (case 57 pferidos graves por cada 100.000 traballadores), duplicando a media estatal-, só superada por Estremadura (61,9).
Ademais, Galiza, canda Estremadura e a Comunidade Valenciana, son as únicas que no devandito período ven medrar o seu índice de incidencia total, respecto ao período anterior. De feito, no período abril 2017-marzo 2018, en relación a abril 2016-marzo 2018, no conxunto do Estado o índice de incidencia redúcese en 3,2%, mentres que en Galiza incrementa en 2,7%.