O conselleiro de Facenda, Valeriano Martínez, avanzou esta cuarta feira que proporá aos sindicatos suspender até outubro a realización das probas selectivas de oposicións xa convocadas na Administración galega debido á situación provocada polo coronavirus.
Así o avanzou na súa intervención na Deputación Permanente do Parlamento galego, que comezou cun minuto de silencio de todos os grupos polas vítimas da COVID-19.
O conselleiro destacou que con esta medida búscase "poñer orde" nos procesos selectivos, despois de que nun primeiro momento xa se fixase unha moratoria de dous meses nestas probas. O obxectivo, dixo, é retomar estes exames no último trimestre --con excepción de persoal docente e do Sergas-- para "achegar certeza e seguridade" aos máis de 45.000 aspirantes.
