Unha resolución da Dirección Xeral de Industria con data 11 de marzo denega o proxecto de explotación de Edwater para a mina de Corcoesto Isto, sosteñen desde colectivos veciñais ou ambientalistas como Adega “supón unha vitoria histórica da cidadanía galega na defensa dos seus dereiros ambientais e sociais”.
Neste sentido,a masiva resposta social fronte á megaminaría contaminante está no cerne, apuntan, de que a administración autonómica tivese que optar por paralizar ese proxecto. “O rexeitamento do proxecto de Corcoesto, malia a ser un importante revés para a multinacional mineira, non significa que vaia abandonar os seus planos para explotar o ouro galego (pretende facerse con 18 concesións), nen sequera nas concesións da mina de Corcoesto das que dispón até o 2064” lembran desde a Asociación para a Defensa Ecolóxica de Galiza.
Alertas
A Plataforma pola Defensa de Corcoesto e Bergantiños agradece a todas as persoas e colectivos, asociacións, entidades, sindicatos e partidos políticos que “a apoiaron nesta loita e que fixeron visible a grave ameaza que este proxecto supoñía para a Comarca de Bergantiños”.
Aliás, advirteque se manterá vixiante ante calquera ameaza doutros proxectos mineiros que poidan presentarse na zona afectada.