O avogado da xuíza Pilar de Lara, Agustín Azparren, subliñou que a maxistrada reduciu a un "cuarto" as "80 ou 90" causas nas que traballa para "deixar as investigacións" practicamente finalizadas "para evitar máis prexuízos a este tipo de procesos. "
O avogado indicou que se trata de "causas de dedicación especial que levan moito máis tempo" xa que, entre outras, está a 'Operación Carioca' sobre as redes de prostitución, o caso Pokémon ou o caso Garañón.
Na súa intervención, Agustín Azparren asegurou que a xuíza aínda ten unha última oportunidade após que o Tribunal Supremo desestimase o recurso sobre a suspensión da execución da pena de sete meses e un día, o que supón a perda do destino, que lle impuxo polo Consello Xeral do Poder Xudicial (CXPX) por demoras indebidas.
En concreto, indicou que "aínda hai recurso de reposición ante o propio Tribunal Supremo", para o que queda "un prazo de cinco días para presentalo". Porén, advirte que "normalmente este tipo de recurso é desestimado porque é o mesmo xulgado e os argumentos xa foron presentados".
"O que sucede neste caso é que hai un documento que chegou despois de ter presentado as medidas cautelares, que é a certificación do acordo do pleno Consello Xeral do Poder Xudicial", explica o avogado.
Segundo indicou, isto certifica a deliberación que houbo para chegar á sanción no pleno e "é importante polo que di". Así, indicou que " resolveuse en moi pouco tempo un expediente que ten 5.000 páxinas" e contempla "as alegacións feitas por un membro (do Consello Xeral do Poder Xudicial) recoñecendo parte dos argumentos do recurso, co cal fica este último recurso (de reposición) ".
