A Casa Grande de Xanceda, no Concello de Mesía, acolle o logo feminista máis grande do mundo, segundo eles mesmos defenden nun comunicado. A icona feminista, de 75 metros de longo e 35 de ancho, ocupa un dos prados onde pacen as vacas desta explotación, e que quer homenaxear a loita das mulleres no rural ás portas do 8M.
O logo foi trazado na herba estes días e desde a Casa Grande defenden que con esta actuación "celebramos o Día da Muller ao grande!!”ao tempo que reivindican o papel das mulleres.
