A ministra de Defensa, Margarita Robles, desprazouse até Ferrol para visitar as obras de construción de fragatas nese estaleiro para a Armada española. O que non contaba a ministra era con ter que aguantar por parte dun traballador unha recriminación clara, diante de operarios do estaleiro e do séquito que acompañaba a ministra, sobre o papel do Goberno español.
“Somos o Goberno máis de esquerdas da historia e permitimos que un xornalista estea un ano e medio detido en Polonia sen probas?”, preguntou este traballador, Álvaro, delegado da CGT, referíndose ao xornalista vasco Pablo González.
Chega-me este video dum membro da CGT em Navantia ponhendo as cousas claras à ministra espanhola da guerra. Bem falado polo Álvaro. Lástima que o companheiro seja membro do CC do PCG e polo tanto indiretamente apoio do "governo mais progressista da história" pic.twitter.com/mfSBxLLb0m
— Bruno Lopes Teixeiro (@BrunoLTeixeiro) February 23, 2023![Publicidade 195634]()
“Esta é a Europa que defendedes?”, continuou preguntando, mentres a escasa distancia a ministra tiña que aguantar o rerproche. De entre o público saíron varias recriminacións á ministra a este respecto (“É un escándalo, defendeses esa Europa”).
O traballador proseguiu co seu reproche: “Non facedes nada! Está secuestrado [o xornalista] por un Goberno fascista como é o polaco e non facedes nada, ao igual que noutras cousas aquí en Navantia”.
A seguir, este operario incidiu en que o Goberno estatal “é o noso patrón” – é o dono dos estaleiros- “e a través da SEPI (Sociedade Estatal de Participacións Industriais) tennos bloqueado o convenio con parvadas”.
