Oito usuarios da residencia de anciáns Orpea de Culleredo, comarca da Coruña, deron positivo nas probas da Covid-19, despois de detectárselle o sábado o virus a unha traballadora do centro.
Segundo informou en rolda de prensa o director xeral de Maiores, Ildefonso de la Campa, o módulo, con 36 residentes, quedou illado desde este domingo e, após coñecerse o brote, fíxose o cribado a todos os usuarios e profesionais.
Con datos da Xunta actualizados a última hora da noite do domingo, de acordo coa información trasladada polos centros residenciais, ademais deste oito anciáns infectados en Culleredo, hai catro traballadores afectados pola Covid-19, un na propia residencia Orpea, outro de San Bartolomeu en Xove, outro de Paradela e outro da DomusVi Barra de Miño en Coles.