Os traballadores de Alcoa A Coruña son plenamente conscientes de que sen mobilización os seus postos de traballo están condenados.
Portavoces do cadro de persoal indicaron que ven con bos ollos a fronte institucional escenificada en Madrid, mais enfatizan que a condición que se debe pór á Alcoa á hora de lle inxectar incentivos públicos na súa condición de empresa electrointensiva [grande consumidora de enerxía eléctricva] é o mantimento dos postos de traballo actuais.
"Isto é a guerra/Alcoa non se pecha" e "Peche non" foron algúns dos cánticos que se entoaron na contorna da Torre de Hércules por parte dos traballadores da factoría, a compor unha imaxe, cartaces e faro como pano de fondo, de grande potencia iconográfica.
Non nos imos cansar!! Alcoa peche non!! Hoxe na @torrehercules decimolo ben alto: #Alcoanonsepecha!! pic.twitter.com/xz63MxRofA
— TraballadorDeAlcoa (@TraballadoAlcoa) 10 de noviembre de 2018
