A Delegación do Goberno na Galiza iniciou a tramitación de sancións propostas por incumprir as normas establecidas no marco do estado de alarma, segundo confirmaron a Europa Press fontes deste organismo.
Até a data, segundo os últimos datos achegados pola Delegación do Goberno na Galiza, propuxéronse un total de 34.222 sancións. Mentres, o número de detidos por parte das Forzas e Corpos de Seguridade do Estado elevouse a un total de 224.
En abril, o Ministerio do Interior dirixiu unha comunicación ás Delegacións do Goberno para orientar e graduar a incoación de sancións a partir das actas que se están tramitando por incumprir o confinamento, con multas que oscilan entre os 601 euros e os 10.400 euros en aplicación da coñecida como 'lei mordaza'.
