Toda Galiza, agás as faixas costeiras, está este domingo, 20 de setembro, en aviso meteorolóxico por abundantes precipitacións, que poderían deixar até máis de 40 litros por metro cadrado en 12 horas.
Bos días! Novamente hoxe temos que estar falando de inestabilidade atmosférica e de chuvias localmente fortes, sobre todo no interior de #Galicia ⚠️. Aínda así non nos resistimos a mostrar este fermoso amencer co mar de néboas en #Fontaneira #Baleira #FelizDomingo pic.twitter.com/HOHC6SYFB5
— MeteoGalicia (@MeteoGalicia) September 20, 2020
Segundo a información de Meteogalicia, permanecen en alerta amarela desde a medianoite todas as comarcas do interior do país. As chuvias máis abundantes agárdanse nos concellos da metade norte e do sueste, e ademais pódense dar episodios "localmente fortes" de precipitacións no centro, sur e nas montañas orientais, ademais de na zona noroeste afastada do mar.
Nestas últimas comarcas, ademais de nas do suroeste galego e nas comarcas da Terra Chá, Lugo e noutras limítrofes, o aviso amarelo advirte de acumulacións de máis de 15 litros por metro cadrado nunha hora.