O Observatorio da Mariña pola Igualdade e a Asociación Xebra lanzan un vídeo para denunciar a recuperación da raíña das festas de Burela.
"Cal se supón que o papel que desempeñan?", "Cal é o motivo da súa elección?" "Que representan?". Son as preguntas que lanzan á veciñanza burelá para, deseguido, denunciar que a finalidade destes actos constitúe unha "estética anacrónica" que reduce as mulleres a seren "un obxecto decorativo" que teima nunha "imaxe estereotipada da muller".
Ambos os dous colectivos animan a veciñanza da localidade mariña a se cuestionar a existencia deste evento e instan a abandonar o seu desenvolvemento en aras da "igualdade entre as persoas".
"A escolla de raíñas e damas é un acto sexista", sinalan. "É o noso deber ofrecer" ás crianzas "unha educación en valores igualitarios".
No vídeo, desde o Observatorio da Mariña pola Igualdade e a Asociación Xebra lembran que non se trata de cuestionar a elección individual das candidatas senón "un acto público con proxección social que segue a perpetuarse en estereotipos profundamente machistas"
