A Galiza rexistrou unha serie de pequenos terremotos na xornada desta segunda feira, segundo a información do Instituto Xeográfico Nacional.
En Vilariño de Conso, na contorna do parque natural do Invernadeiro, estivo o epicentro do sismo de maior magnitude, de 2,5 na escala de Richter, que se produciu perto das 11.15 horas e a unha profundidade de tres quilómetros.
Cómpre lembrar que por baixo da magnitude 2 non son percepíbeis os tremores, mentres que entre os graos 2 e 3, xeralmente, tampouco.
Pola súa parte, pouco antes das 10.54 horas produciuse outro tremor en Carballo, neste caso de magnitude 1,8 e a seis quilómetros de profundidade.
Previamente, ás 3.40 horas da madrugada desta segunda feira tivo lugar outro sismo en Forcarei, con 2,1 graos.
E durante o domingo producíronse varios tremores en diferentes puntos do país: Trazo (2,2), Frades (2,1 graos), Taboada (1,6 graos), Lousame (1,5 graos) e Covelo (1,5 graos).
