O presidente do Executivo do Estado, Pedro Sánchez, demandou aos presidentes das autonomías que non opten por fechar os centros educativos no caso de detectar gromos de coronavirus sen antes consultar a decisión co Ministerio de Sanidade.
Na súa reunión desta sexta feira explicoulles que, malia que teñen competencias neste asunto, no caso de que non haxa unha coordinación podería “extenderse o virus” en vez de pórlle control.
O propio representante estatal recoñeceu que a medida é potestade de cada zona. Sería a medida “máis extrema” sinalaba o ministro de Sanidade, Salvador Illa, a semana pasada ao respecto.
O que sucede é que o ministerio “podería apoiar se hai casos que requiren unha análise un pouco máis profunda”.
Inversión en equipos médicos
O encontro telemático tamén serviu para falar de financiación autonómica, para o que se convocará o Consello de Política Fiscal e Financieira en próximas datas.
Sánchez avanzou, igualmente, que o Goberno que preside destinará 3.700 millóns de euros nos próximos dous anos para mercar material sanitario.
Malestar de Feixoo polo reparto
Segundo fontes da Xunta consultadas por Europa Press, o presidente Alberto Núñez Feixoo aproveitou a xuntanza de traballo para amosarlle a Sánchez o seu desacordo co reparto dos fondos da Covid para o sistema educativo. Dos 2.000 millóns de euros Galiza levaría unha pequena partida que "non ten en conta custes como o transporte ou os comerdores escolares".
Ademais, respecto á posibilidade de que xurdan gromos nas escolas, exixiu un "acordo explícito que regule como actuar".
