Desde a vindeira terza feira, día 1 e até o 21 de marzo permanecerá aberto o prazo de solicitude de admisión nos centros escolares para o vindeiro curso 2022/23, para todo o alumnado que entra por primeira vez no sistema educativo (maioritariamente en 4º curso de Educación Infantil).
Tamén para aquel alumnado de Educación Infantil, Educación Primaria, ESO e Bacharelato que desexe mudar de centro escolar sempre que haxa prazas dispoñíbeis.
Listaxes definitivas o 25 de abril
Unha vez fechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria e do 25 de xuño ao 10 de xullo para os de ESO e Bacharelato.
As solicitudes poderanse presentar de modo presencial ou telemático a través dunha aplicación.
Para quen utilice a aplicación:
Se se utilizar a aplicación, as familias poderán consultar o estado de tramitación da solicitude nas distintas fases do procedemento utilizando o código que xera a aplicación ao cumprimentar a solicitude, xunto co documento de identidade do proxenitor ou proxenitora asinante
Tal como ficou estabelecido no sorteo público que tivo lugar hoxe, cuarta feira, na Consellaría de Educación, en caso de empate de puntos para unha mesma praza, as letras de prioridade establecidas neste sorteo foron “V” e “U” para o primeiro apelido e “A” e “Z” para o segundo.
