Tradicionalmente os terreos portuarios foron na Galiza moito máis que un simple espazo ligado ás actividades económicas derivadas do mar. Son puntos de convivencia veciñal, emprazamentos privilexiados para acoller festas parroquiais, festivais, actividades deportivas e culturais, mesmo feiras... Mais todas estas funcións e utilidades semellan que van ser pasado, sobrepasadas polo rolete da Lei de Portos que o PP aprobou en solitario a finais de 2017 e cuxas consecuencias comezan a se deixar ver con nitidez.
Carril e Vilaxoán son dúas localidades arousás que pivotan en torno ao seu porto, non só en canto a actividade comercial senón tamén en relación ao seu día a día. As comisión de festexos de Carril de tanta raigame e seguemento como o Apóstolo, San Fidel ou o festival Ameixa Rock xa deron a voz de alarma. Son eventos que se fan en espazos xestionados por Portos de Galiza porque non hai outros. As novas fianzas exixidas, os trámites requiridos vense como “insuperábeis” polas comisións.
[Podes ler a información íntegra no número 304 de Sermos Galiza, á venda na loxa e nos quiosques]
