Un veciño de Cabo de Cruz, no concello de Boiro, foi albo de pintadas homófobas na súa vivenda por pendurar dunha xanela a bandeira arco da vella, que simboliza a diversidade da comunidade LGTB. “Casa do Maricón”, “Maricón” ou a bandeira española apareceron pintadas no inmóbel.
“Abres a porta, ves isto e quédache un corpo... Pregúntaste como é posíbel que hoxe en día pase isto”, conta o veciño afectado, Pablo Chouza a Diario de Arousa.
Chouza, que vive coa súa compañeira e dous fillos na vivenda obxecto das pintadas homófobas, decidiu presentar denuncia no Cuartel da Garda Civil. “Non son neutral, non todas as opinións valen”, sinalou no mencionado diario.
A acción homófoba xa tivo resposta. O Club de Remo de Cabo de Cruz mosto unas redes sociais o seu apoio o veciño e rexeitamento da homofobia. Ademais, veciños e veciñas desta vila da beira norte da Ría de Arousa van pendurar nestes días a bandeira arco da vella das súas xanelas e ventás e apoio e solidariedade para con Chouza e a súa familia.
Fai un par de noites, un veciño do pobo sufriu, na súa vivenda, un acto de homofóbia
Nós non compartiremos as imaxes que circulan polas RRSS por dous motivos: primeiro porque nos dá vergoña que a estas alturas haxa xente que non respecte a diversidade; e segundo (...) pic.twitter.com/hzCnQnnNL3— CR Cabo da Cruz (@crcabodacruz) June 27, 2021![Publicidade 195255]()
