"Non afoguen o centro de saúde. Por unha intermodal digna". Con este lema, a plataforma Tren Digno Ourense convoca a cidadanía ourensá a mobilizarse en defensa dos intereses veciñais, do barrio da Ponte e do seu centro médico. Segundo denuncia a entidade, está en perigo, xa que o proxecto actual para a construción da estación intermodal da cidade prevé a edificación da estación de autobuses ao redor do centro sanitario.
"O proxecto actual da Xunta condena o centro a ser un espazo acurralado por fumes e ruídos", denuncia o movemento nas súas redes sociais; e engade que ese feche suporá unha ameaza para a saúde e a tranquilidade de usuarias e profesionais.
É so un dos argumentos da plataforma veciñal, que asegura estaren a tempo de rectificar o proxecto da intermodal. O seu deseño actual, mantén, "impide crear novas rúas, xera un muro de nove metros de alto e ten unhas pendentes de acceso de 12%".
A información íntegra pode consultala na edición en papel de Nós Diario ou na súa lectura na nube.