Psico Vr é unha compañía que aplica a realidade virtual no tratamento de fobias.
Orballo é a marca de tés e infusións feitos asentada nas mariñas coruñesas. O Grupo de Visión Artificial e Recoñecemento de Patróns da Universidade da Coruña, grupo VARPA, explora os usos da intelixencia artificial no ámbito da sanidade.
Os tres recolleron hoxe o premio Spin-OFF PuntoGal, que recoñece o seu traballo nas categorías de idea emerxente, selo de calidade e grupos de investigación respectivamente. O proxecto Data Monitoring tamén foi destacado como finalista.
Este certame, que suma a súa cuarta edición, está convocado polo dominio PuntoGal e GCiencia e conta co apoio da Secretaría Xeral de Universidades e da empresa Gadis.
Este ano presentáronse un total de 15 proxectos, dos que o xurado destacou a súa "alta calidade".
Os galardóns foron entregados esta cuarta feira nun acto na Cidade da Cultura de Santiago de Compostela.
Nel estiveron presentes o alcalde do concello compostelán, Xosé Sánchez Bugallo, o secretario xeral de Universidades da Xunta, José Alberto Díez de Castro, e o reitor da Universidade da Coruña, Julio Abalde Alonso.