O Concello de Sarria anunciou a suspensión do certame de beleza no que cinco mulleres de 16 a 22 anos competirían por ser a raíña das festas ou unha das súas damas de honra.
Tras as críticas das feministas MNG --Mulleres Nacionalistas Galegas--, que reprocharon do Goberno local a organización deste evento "sexista e anacrónico", o rexedor, José Antonio García (PP), recuou e criticou "a intolerancia dalgunha xente".
Alén disto, García asegurou que as mulleres que tiñan pensado concursar "recibiron coaccións", e considerou o 'espectáculo', no que un xurado avaliaría ás mulleres logo de catro desfiles con distintas vestimentas, de "evento festivo".
