O estudo de Adolescencia e Xuventude de FAD, do centro Raíña Sofía, alerta de que máis de 80% da mocidade é coñecedora de casos de violencia machista en parellas da mesma idade.
O informe céntrase no "notábel" aumento das relacións tóxicas entre a xente nova. Achacan este incremento aos "problemas vencellados á dependencia emocional", causados pola falta de educación sexual e "os modelos idealizados do amor, que chegan a xerar situacións de violencia".
Entre os casos de machismo que se enumeran, están o control dos horarios ou da mensaxaría da parella, a prohibición de pasar tempo con outras parellas fóra do ámbito a relación...
Neste sentido, o estudo 'Percepción Social da violencia de xénero' da Universitat Oberta de Catalunya (UOC) achou que un de cada tres mozos non considera que controlar a súa parella poida ser catalogado como violencia de xénero.
Papel da educación
Os expertos subliñan a importancia da educación como un "factor decisivo" á hora de desenvolver persoas adultas emocionalmente independentes.
A este respecto, a identificación dos comportamentos que poden derivar en relacións e vínculos emociomnais tóxicos é "fundamental" para atallalos a tempo.
Asemade, o estudo de FAD sinala que axudar á mocidade a mellorar na autopercepción e no "amor propio" repercute de xeito positivo en envitar o incremento das condutas machistas nas parellas.
