A Asociación Galega de Medicina Familiar e Comunitaria (Agamfec), que agrupa a máis de mil médicos de familia, indica estar “sorprendida” porque a duración do confinamento decretado para A Mariña sexa de só 5 días.
“A sorpresa non é tanto pola medida en si, que ten lóxica para así minimizar o risco de expansión do virus, senón pola sospeitosa duración da mesma, que semella obedecer a cálculos non sanitarios”, indican nun comunicado.
Aínda así, afirman, “os médicos de familia da zona van seguir aplicando con toda profesionalidade os protocolos clínicos de illamentos aos contaxios e aos seus contactos, sen ter en conta outras consideracións ou criterios que se aparten da evidencia científica.”
Defenden o “rigor e profesionalidade” do persoal sanitario, algo que, indican, “botamos en falta nos responsables políticos”.