As máscaras deixarán de ser obrigatorias para acceder a ópticas, centros auditivos e ortopedias, alén de nos medios de transporte públicos. Así llo notificou o Ministerio de Sanidade esta quinta feira ás comunidades autónomas durante a reunión do Consello Interterritorial do Sistema Nacional de Saúde (CISNS).
A medida aprobarase de forma oficial o próximo 7 de marzo no Consello de Ministros e modifica o real decreto actualmente en vigor, do 19 de abril de 2022, malia que até o de agora non se sabe cando se vai a publicar no Boletín Oficial do Estado (BOE) e, polo tanto, cando entrará en vigor.
Con esta modificación, o uso obrigatorio das máscaras mantense nos centros e servizos sociosanitarios como hospitais, centros de saúde, clínicas dentais, centros de reprodución humana asistida, centros de interrupción voluntaria do embarazo e outros centros de atención especializada.
Tamén seguirá a ser obrigatoria nas farmacias e nas residencias, se ben neste último lugar só será obrigatorio para os profesionais que traballen neles, sempre que estean en contacto con residentes, e para os visitantes cando se atopen en zonas compartidas.