Martín Marcote Márquez, tenda de viños Arjeriz: "Agora co frío tiran máis os tintos"

A tenda de viños Arjeriz, na rúa Carral da zona vella de Vigo, ten unha longa historia. De onde vén? Naceu como tenda en 1920, co nome de La buena medida, fundada por maragatos. Poucos anos despois pasou a ser a delegación en Vigo de Granja Aljeriz, onde se distribuía o leite e o queixo que producían nesa granxa de Chantada, que logo pasaría a ser a empresa Larsa. Foi daquela cando os empregados desta tenda colleron a distribución dos queixos, e máis tarde, xa nos 80, meu pai que era o empregado máis novo, colleu a tenda enfocándoa máis cara ao viño e os destilados. Por que deberiamos mercar o viño en tendas especializadas, e máis cando falamos de produto galego? Na tenda especializada tes viños bos desde cinco euros até o que queiras gastar, e aconséllase o cliente sobre o produto. En canto aos viños galegos, estes adoitan ser de adegas pequenas que moitas veces non atopan portas abertas nas grandes superficies e nelas ademais non hai coñecemento sobre o viño. Nós, en cambio, coñecemos moitos dos colleiteiros cos que traballamos, sabemos de primeira man como foi a colleita, como elaboraron o viño... esa relación nunha gran superficie non a atopas e, cando tes unha relación directa co produtor, tes tamén unha implicación persoal co produto e coas persoas que están detrás del, a maiores da propia vinculación que tes coa terra. Nós estamos orgullosos de vender produto local. É nestes meses de inverno, que viños nos aconsellan? Agora co frío tiran máis os tintos. Estamos traballando moi ben o Prómine, un mencia moi rico e agradábel, suave; o Camiño Real, de Guímaro, moi bo e moi asequíbel, e tamén Prohibido, de Finca Míllara, que elabora Raúl Pérez, enólogo do Bierzo. En branco, quizais apetezan mais os godellos. Vendemos moi ben o Fraga do Corvo. E entre os vermús, que nos aconsellaría? Véndense moi ben o Povarelo e o Entroido, cuxo tinto é o mais amargo do mercado. En xeral, os vermús galegos gostan moito e sentan mellor.

Martín Marcote Márquez, tenda de viños Arjeriz: "Agora co frío tiran máis os tintos"

Alfonso Rueda abre a porta a que a Xunta financie Altri

aRi[t]mar premia a Sociedade Cultural e Desportiva do Condado como Embaixada da Amizade Galego-Lusófona

O xurado declara non culpábel a unha muller acusada de matar o seu marido en Monfero

A Plataforma Ulloa Viva convoca a primeira manifestación contra o proxecto de Altri: será o 26 de maio en Palas de Rei

O 90% dos colexios concertados de maior tamaño cobran cotas "ilegais", segundo Esade

Novo conselleiro de Sanidade, nova política en saúde mental?

A celulosa de Altri emitiría máis gases de efecto invernadoiro que a factoría de Ence

Máis da metade das vítimas de discriminación entre a comunidade xitana son mulleres