Acompañado polo coordinador da Fruga, Manuel Dacal, e polo portavoz do Bloque en Compostela, Rubén Cela, o gandeiro da Sionlla sancionado, Jorge Piñeiro, fixeron entrega de máis de 2 mil sinaturas recollidas entre a veciñanza da cidade.
Os apoios depositados esta quinta feira na casa consistorial da capital da Galiza, demandan a retirada da multa de 750 euros imposta polo goberno da localidade contra Piñeiro após ser denunciado por un veciño.
Segundo a Policía local as bostas das vacas deste gandeiro supoñen unha vulneración da ordenanza de convivencia. Porén, estas atópanse nunha vía construída após a concentración parcelaria e ten por obxecto servir ao uso das explotacións gandeiras que se atopan na parroquia da Sionlla.
Desde a Federación rural galega o acontecido supón "un precedente perigoso" para @s gandeir@s da zona ao tempo que consideran "desproporcionada e incorrecta" a sanción imposta.
Neste senso, exixen a súa retirada habida conta que a normativa municipal á que apela a Policía local se refire a animais domésticos que moran na cidade e non ás vacas que se atopna no rural compostelán.