-Que esperas de Sermos O Diario Galego?
-É unha alternativa aos xornais convencionais que hai hoxe en día e que deixan moito que desexar. Que sexa en galego é fundamental e básico para normalizar unha lingua que está tan maltratada. Será unha boa axuda para o noso idioma.
-Por que é necesario?
-Calquera cousa que se faga para axudar a nosa lingua vai ser benvida. Cada vez é máis necesario.
-Que pegada podería ter na creación cultural e artística galega?
-Promover, dar a coñecer. Saen discos e non teñen ningunha repercusión e hai verdadeiras marabillas tanto no eido musical como no teatral, no plástico ou en calquera. Aínda que existen redes que facilitan as cousas, é preciso dar visibilidade a todas as cousas que se fan neste país e que teñen moito mérito coas dificultades que existen. O goberno pon máis trancas que axudas.
[Para facer de O Diario Galego unha realidade, necesitamos sumar 3 mil subscricións. Podes sumarte nesta ligazón]
