O incendio que se iniciou en Portugal na tarde deste domingo e que afecta o concello limiao de Calvos de Randín, na parroquia de Randín, quedou estabilizado na parte galega ás 20.34 horas, e controlado ás 8 horas desta segunda feira. Con todo, segue activo alén da raia.
A Consellaría de Medio Rural informou de que o lume se iniciou en Portugal ás 17.24 horas e, posteriormente, entrou en territorio galego, afectando menos dunha hectárea no parque natural da Baixa Limia-Serra do Xurés, segundo as estimacións ofrecidas.
Parece que va fuerte. pic.twitter.com/yZUmnfdM6V
— 🔥Óscar🚁 (@BomberoForestaI) February 5, 2023
Na parte portuguesa traballan, aliás, medios da Xunta para aplacar o fogo forestal, segundo indicou o Goberno galego. En concreto, para o control do incendio mobilizáronse dous axentes, tres brigadas e dúas motobombas.
A pasada sexta feira rexistrárase outro incendio no mesmo parque natural, mais desa volta afectando o termo municipal de Muíños, na Baixa Limia. A superficie calcinada fora tamén inferior a unha hectárea.