Monse, extutelada e protagonista da campaña 'Non nos xulgues': "É habitual que te miren mal"

Monse ten 20 anos e desde os 15 vive baixo o amparo da Xunta. Agora faino nunha vivenda tutelada de Igaxes no marco do programa Mentor, financiado polo Fondo Social Europeo e a Xunta da Galiza. Despois de tres anos, está "no proceso de saída", a poucos meses de emanciparse. É xunto a Diógenes e Francesca unha das caras e das voces da campaña 'Non nos xulgues' que vén de lanzar a ONG Igaxes.