O novo intento para poder reflotar o buque 'Blue Star' non conseguiu o obxectivo esta segunda feira, mais logrou desprazar a popa de barco oito metros a babor.
A manobra iniciouse minutos antes das 14:00 horas, cando o remolcador 'Boka Pegassus' comezou a tensar a estacha que o unía ao buque sinistrado, pola zona de popa e de babor, ata que sobre as 14,22 horas, momento da preamar, entrou en acción tamén o outro remolcador desprazado á zona para estas tarefas, a 'Unión Pricess', nesta ocasión case en paralelo coa popa do barco sinistrado e comezando a dar "máquina" para tratar de conseguir o arrastre.
Así foi como ambos os barcos de auxilio lograron mover lixeiramente, uns oitos metros, a popa do buque, mais non sacalo da zona onde permanece encallado desde o pasado 24 de novembro.
Co paso dos minutos, e unha vez superada a preamar, e en vista que as ondas na zona non eran fortes abondo, decidiuse abortar a operación, e estudar nas próximas horas se se volve a realizar un novo intento coa seguinte preamar, prevista para as 2,46 horas desta terza feira
