O caderno de verán retorna ás páxinas do Sermos coa chegada do mes de xullo. Ficará connosco até o primeiro día de setembro. Como adoita, incorporará xornalismo refrescante e boa literatura galega para o tempo de lecer, con textos de Rosalía Fernández Rial e Miguel Mato Fondo. O Caderno vén este ano tamén cun ollar especial, o que deita sobre o país un dos grandes fotógrafos galegos, Xurxo Lobato.
Neste número 203 regresan tamén ao semanario as entrevistas políticas, desta volta con Noa Presas, recente candidata ao Congreso por Ourense e secretario de Relacións Políticas do BNG.
