Callón dá chaves sobre como vai a campaña do Bloque, a súa visión sobre o traballo da representación galega no Congreso durante os últimos meses e como combater desde o soberanismo a práctica ausencia das alternativas nacionalistas na programación das televisións estatais.
Alén desta entrevista, o Sermos fai un repaso dos seus catro anos de existencia nos quiosques -aniversario feito o pasado 8 de xuño-, nun número que, alén do máis, é redondo, o 200.
Con tal motivo, o noso caderno de análise, o A Fondo, deita o seu ollar sobre o estado no que se acha o xornalismo en galego, o xornalismo alternativo ao mainstream.