Detectáronse dez positivos entre profesionais da enfermaría da sétima planta do Hospital Arquitecto Marcide de Ferrol, dedicada integramente a pacientes con Covid-19.
Segundo trasladou a Europa Press a Consellaría de Sanidade, todas as persoas se atopan en corentena e foron substituídos para que a planta continúe a funcionar con normalidade.
Os casos, segundo esta fonte, terían sido detectados "a través do rastrexo e investigación do gromo".
Os últimos datos actualizados por Sanidade este domingo reocollen que neste complexo hospitalario hai un total de 57 pacientes diagnosticados de coronavirus, dos que 47 están en planta e 11 na unidade de coidados intensivos (UCI).