Esta cuarta feira, realizáronse en todas as áreas sanitarias de Galiza concentracións en protesto contra o anuncio de fechamento de 1.200 camas hospitalarias, un corte neste servizo público sen precedentes..
Deitadas simbólicas -todas e todos ao chan- para pór en escena que a Xunta aposta en fórmulas privatizadoras que irán resultar na degradación da calidade da prestación sanitaria en Galiza. Ese foi o formato reivindicativo ao que apelaron esta cuarta feira as organizacións sindicais CIG, CC OO, UXT, CESM-Omega, CSI-F e SAE.
Os protestos continuarán esta quinta feira, cunha concentración ás portas do Chus en Compostela.
A xuízo das centrais sindicais, o executivo de Feijóo -e nomeadamente a conselleira do ramo- ten tracexada unha “folla de rota” cara ao desmantelamento da sanidade pública.
É por isto que demandan un cambio radical nas políticas sanitarias que blinde o sistema público e recuse as “complicidades” co “lobby da sanidade pública”.