As marchas feministas correspondentes ao 8 de Marzo de 2020 terán lugar en diversos puntos da Galiza, conformando un extenso mapa de manifestacións e ruadas nas que o feminismo volverá a reivindicarse.
Se queres atopar todas as concentracións e manifestacións que se levarán a cabo na Galiza este domingo, neste mapa interactivo creado pola plataforma Galegas 8M, poderás ver todas as manifestacións e ruadas planificadas.
Un 8M diferente a anos anteriores
É importante destacar que este ano a intención muda, xa que non está convocada polas asociacións unha folga como tal, senón que chaman a todas as mulleres a afrontar a xornada coma "mobilización e loita".
Nesta ocasión, o colectivo Galegas 8M quere poñer o acento nas seguintes reivindicacións:
- Recoñecemento do valor do traballo doméstico
- Coidado da terra e o problema do consumo para o cambio climático
- Reclamar a repartición xusta dos coidados familiares, que estes formen parte do mercado laboral
- Dereito a unha redución da xornada que facilite a conciliación e non obrigue ás mulleres para aceptar contratos temporais e precarios
- Recoñecemento do descanso semanal
Reivindicacións para trocar o sistema patriarcal
O colectivo Galegas 8M o integran decenas de asociacións feministas de toda Galiza, que ano tras ano loitan por reivindicar a igualdade de sexos e por tentar trocar o sistema patriarcal no que está sumido o mundo enteiro.
Día Internacional da Muller 8M 2020: Hora e lugar das manifestacións das principais cidades galegas
Este domingo terá lugar o Día Internacional da Muller, e na Galiza haberá decenas de concentracións, manifestacións e ruadas cheas de reivindicacións nas que calqueira pode unirse e apoiar a causa.
Bota unha ollada á hora e lugar das convocatorias nas principais cidades galegas.
8M A Coruña
O percorrido oficial arrincará no Obelisco ás 12.00 horas e finalizará na Fábrica de Tabacos, un lugar emblemático para o movemento feminista por ser o escenario da primeira folga de mulleres da Galiza. Atravesarán os Cantóns, Sánchez Bregua, Linares Rivas e a avenida de Primo de Rivera.
Manifestación
- Saída: Obelisco
- Chegada: Praza das Cigarreiras
- Hora: 12:00
8M Santiago de Compostela
Manifestación
- Saída: Praza 8 de Marzo
- Chegada: Alameda
- Hora: 20:30
Ruadas Feministas
- Hora: 12:00
- Saída:
- Rotonda do Castiñeiriño
- Rotonda de Conxo
- Rotonda das Cancelas
- Rotonda de Salgueiriños
8M Pontevedra
En Pontevedra a marcha feminista do 8M terá lugar o domingo pola tarde e partirá da Praza do Hospital ás 17.30 horas. A ela está convocada toda a cidadanía sen excepción.
- Hora: 17:30
- Saída: Hospital Provincial
- Chegada: Praza da Ferrería
Ademáis, en Vilaboa está convocada unha marcha a pé con saída no Local social Figueirido as 15:00 horas, coa intención de poder unirse a manifestación de Pontevedra as 17:30 no Hospital Provincial.
8M Vigo
O colectivo Galegas 8M anima a participar na manifestación que partirá da rúa Urzáiz o próximo domingo na cidade olívica.
Manifestación
- Hora: 18:00
- Saída: Cruce da Vía Norte con Urzáiz.
8M Ourense
Manifestación
- Hora: 20:00
- Saída: Subdelegación do Goberno
Concentración
- Hora: 12:00
- Lugar: Praza Maior
8M Lugo
Manifestación
- Hora: 12:00
- Saída: Multiusos da Xunta
