A VII edición da Festa da Xiba de Sada realízase esta fin de semana -comezou esta sexa feira e decorrerá até o domingo- e estará composta por un roteiro gastronómico no que participarán 32 establecementos hosteleiros da localidade.
A consellería é a encargada de repartir a cantidade de 600 kilos deste cefalópodo entre os locais correspondentes. Deste xeito, a Festa da Xiba verá a festa gastronómica máis importante do concello xunto coa sardiñada que ten lugar, habitualmente, no mes de agosto.
Dende a consellaría de Promoción Económica agradecen á cofradía de Sada a colaboración prestada para reunir as cantidades precisas ao mesmo tempo que esperan un grande acollemento da festa entre veciños e visitantes, para que proben as tapas que irán dende as máis tradicionais elaboracións como a xiba en tinta, con arroz ou con fideos, até interpretacións máis novidosas, presentando a xiba sobre tostas, con fabas, en mini hamburguesas ou en ceviche