Tarteiras, potas, cazolas, culleres, garfos... Todo foi válido para, ás 21 horas desta cuarta feira, facer ruído e barullo no mesmo momento no que a través da radio e televisión Filipe VI daba o seu 'Discurso a la Nación'. Numerosas persoas saíron a balcóns e xanelas para facer visíbe, e audíbel, o rexeitamento á monarquía española na segunda acción deste tipo no día.
Esta, a da noite, foi máis numerosa e ruidosa que a primeira, que tivo lugar ás 12:00. Ambas as dúas convocatorias 'rularan' a nivel de todo o Estado polas redes sociais nestes días. A segunda emprazaba á cazolada no mesmo momento, 21:00 horas, nas que estaba previsto o inicio do discurso do rei español
Unha iniciativa apoiada por formacións soberanistas como BNG, ERC, CUP ou Bildu, entre outras, que nun comunicado conxunto chamaron a "axitar as cacerolas para expresar a urxencia de dicir adeus á monarquía e construír as repúblicas dos pobos".
Tamén formacións como Compostela Aberta, Marea Atlántica ou Marea de Vigo na Galiza fixeron un chamado a se sumar á cazolada. E formacións estatais, como IU, así como diferentes sindicatos, colectivos e plataformas sociais das diferentes nacións e territorios do Estado.
Nas redes sociais colgáronse audios e imaxes de como a cazolada se estendeu por diferentes puntos de cidades como Coruña, Compostela, Vigo ou Ourense e tamén por diferentes vilas do país. Unha cazolada acompañada, en varios balcóns, por bandeiras galegas ou de españolas republicanas.
Así resoou a censura á monarquía española no barrio obreiro do Calvario en #Vigo. Orgullo! (Obrigado a Vitor polo vídeo) #GalizaNonTenRei #RepublicaDaGaliza pic.twitter.com/noxN0luR7e
— Xabier Pérez Igrexas (@contradiscurso) March 18, 2020
#Cacerolada #CaceroladaReal Ourense pic.twitter.com/GLlv3TZPnh
— m@nuelra (@manu_ateixeira) March 18, 2020![Publicidade 195720]()
Cacerolada contra el rey y la corrupción de la familia real!
— Roberto Sototúmulo (@Sototumulo) March 18, 2020
Vigo republicano!! ✊🏻 pic.twitter.com/rUnik2DD6U
A Coruña, 21.00 horas: #Cacerolada á hora da emisión da mensaxe do xefe do Estado, Felipe VI pic.twitter.com/Te5dUvcme7
— Alfonso Hermida (@alfhermida) March 18, 2020![Publicidade 195536]()
#Cacerolada en Compostela. pic.twitter.com/0qHHTGbxX2
— X. López OFFICIAL (@BiguoterMaifren) March 18, 2020
