Suma e segue. Desde que na madrugada da quinta feira incendios como o de Porto do Son, Cenlle ou Lobeira 'inauguraban' a primeira vaga de lumes do verán na Galiza, os focos non deixan de xurdir, acompañados por un nordés que facilita a súa propagación e dificulta a extinción. Un lume na parroquia de Oleiros, no concello barbanzán de Ribeira, orixinado na madrugada deste sábado e que se estendeu a Porto do Son leva calcinadas 175 hectáreas e obrigou cortar ao tráfico durante 40 minutos a AC-550 á altura da Carballosa. Até a zona do incendio desprazáronse efectivos da Unidade Militar de Emerxencias (UME).Para o seu control mobilizáronse 8 axentes, 13 brigadas, 12 motobombas, 2 pas e 2 avións.
https://t.co/hYAHTXKIVU pic.twitter.com/McKbAGXO4V
— Incendios galicia (@Incendiosgalic1) September 7, 2019
Vaise camiño das mil hectáreas queimadas desde a quinta feira. Son case 40 os lumes producidos nestes días e a Xunta insiste na intencionalidade dos mesmos. O que máis superficie afectou foi o de Monforte (465 hectáreas) e o de Fisterra, con 130, mentres o de Porto do Son queimou máis de 90.
Gran parte da Galiza está en alto risco de incendio.