Os termómetros superarán esta sexta feira marcas históricas en Galiza. Esta quinta feira rexistráronse temperaturas máximas no país de case 43 graos en Arbo e de 42,7 en Arnoia e para hoxe Meteogalicia activou a alerta vermella na zona de Miño de Ourense, que abrangue 21 concellos, onde prognostica que os termómetros superarán os 42 graos.
O nivel laranxa de alerta por temperaturas de máis de 39 graos está no resto da provincia de Ourense e o sur de Lugo, para alén da zona pontevedresa do Miño. No resto do país están en alerta amarela porque se agarda que se acaden os 34 graos. Só A Mariña e norte da Coruña librarán desta calor abafante.
Segundo as previsións, a segunda feira rexistrarase unha importante caída das temperaturas de máis de 10 graos e volverase a unhas temperaturas máis acordos coas que se dan en Galiza nesta época do ano.
Concellos con nivel de risco 1B (alerta): Carnota, Cee, Corcubión, Outes, Pobra do Caramiñal, Porto do Son, Rianxo, Cortegada, Lobios, Pontedeva, Vilamartín de Valdeorras, Arbo, Baiona, Bueu, Caldas de Reis, Campo Lameiro, Cotobade, Covelo, Crecente, Fornelos de Montes, Gondomar, A Guarda, A Lama, Meaño, Mondariz, Mondariz-Balneario, Moraña, As Neves, Nigrán, Pazos de Borbén, Pontevedra, Ponteareas, Ponte Caldelas, O Rosal, Tomiño, Tui, Vigo, Vilagarcía de Arousa e Cerdedo-Cotobade.
Continúan en nivel 1A (prealerta) Aranga, Boimorto, Boiro, Irixoa, Mesía, Monfero, Oza-Cesuras, Folgoso do Courel, Muíños, Cerdedo, Forcarei e Agolada.
