Unha avaría impediu que o tren de Media Distancia 09072, que debía partir da estación de Vigo-Urzaiz ás 6.40 horas desta terza feira en dirección á Coruña, saíse en hora. Así o notificaron a Nós Diario diferentes pasaxeiros a primeira hora do día e confirmaron despois fontes de Renfe en declaracións a este xornal.
Se ben este primeiro ferrocarril da xornada debía rematar o traxecto contra as 8.13 horas, a demora estimada pola compañía estatal para chegar á cidade herculina é de case unha hora e media, é dicir, coincidindo coa partida do segundo tren previsto na mañá, o 09082, con saída ás 8h de Urzaiz. "Por mor da avaría, os demais trens saen con atraso, mais aínda non podemos estimar canto exactamente", explican desde Renfe.
Este último tren, malia que non estaba previsto no seu roteiro, tivo que efectuar unha parada obrigada nas estacións de Redondela AV, Padrón e Cerceda para suplir o servizo do ferrocarril que debía realizar ese percorrido a primeira hora.
"Tivéronnos máis de media hora agardando de pé nunha sala sen darnos explicación ningunha", sinala a Nós Diario un pasaxeiro que saía de Vigo. "Máis dunha hora de atraso e ningunha información polas pantallas ou megafonía. 200 persoas esperando na estación e chegando tarde ao traballo", lamenta nas redes sociais un usuario desde a estación de Pontevedra. "Ninguén dá a cara", apunta outro.
7h40. Hora de chegada do tren a Santiago. Segundo a app de Renfe, o tren vai no horario previsto.
A realidade: o tren aínda non saíu de Vigo e a min fíxoseme día en Pontevedra.
Outro éxito de @Renfe pic.twitter.com/lO32Gr3N5K— a Bea 👩🏻💻 (@bea_triceuh) March 15, 2023![Publicidade 163242]()
Hola @Renfe, una hora esperando a que salga el tren de Vigo a Santiago y nadie da la cara. No tienen gente o les da lo mismo el pasajero. GRACIAS.
— José Fco. Armesto (@armestopina) March 15, 2023
@Renfe
¿Podría informar qué sucede con el tren MD 9072, cuya salida está prevista en Santiago de Compostela a las 07:42? Nos informan que todavía no salió de Vigo, y que vendrá con retraso.
Si viajo en coche para acudir a mi puesto de trabajo, ¿me van a penalizar por no viajar?— Anele (@Anele180899) March 15, 2023![Publicidade 163483]()
