Na segunda feira os servizos forenses trasladaron ao xulgado nº1 de Noia o primeiro informe após realizar a autopsia de Rosa R. R. e Pedro P. P. cuxos cadáveres foron atopados na súa vivenda de Porto do Son o 19 de febreiro.
Continúan as pescudas para determinar se se trata dun caso de violencia machista
As investigacións céntranse en máis un asasinato machista após atoparen o corpo de Rosa R. R. no exterior do domicilio e a porta fechada no que apuntaría a que, supostamente, podería tería sido empurrada pola fiestra. Entretanto, o corpo de Pedro P. P. atopábase no baño no que semella un suicidio por inxestión de medicamentos.
Porén, os informes forenses non achegan, segundo notificou o TSXG, dados concluíntes o que mantén aberta a investigación. Até o momento, sinalan, "non se pode confirmar nen descartar que se trate dun caso de violencia sobre a muller".
