Conferencias, debates e encontros conforman o programa dunha cita que esta ano, o terceiro consecutivo en que se celebra, inclúe unha Feira de Ecoloxía e Artesanía. Nela a organización quere acoller “moitas iniciativas individuais que traballan para acadar as mesmas finalidades dende a autoprodución, a artesanía ou a produción ecolóxica”.
A Mostra do Posible abriu o prazo para solicitar postos na feira – que será na Alameda Nova ou, de chover, na Casa da Cultura- ou propoñer actividades a través do seu web (mostradoposible.gal). Da primeira edición, en 2017, fixeron parte 52 entidades. Da segunda, o pasado ano, 45.
“As empresas de economía solidaria están confeccionando potentes ferramentas de transformación colectiva, que buscan cooperar en lugar de competir e poñen as persoas no centro”, explica a organización, “e os movementos sociais buscan influír na toma de decisións sobre o que é de todas, e defenden que outro tipo de políticas é posíbel”.
O programa final da Mostra do Posible darase a coñecer nos vindeiros días.