Máis unha muller asasinada pola violencia de xénero. Esta segunda feira (4 de agosto) unha muller de 40 anos foi atopada sen vida no seu domicilio. Fontes policiais aseguraron á axencia de noticias Efe que embora continuar a ser investigado, enmárcase nun novo caso de violencia machista.
Segundo informou nun comunicado o Tribunal Superior de Xustiza da Comunidade Valenciá, o asasino confesou a un familiar ser o autor do feminicidio.
A muller tería sido asasinada cun obxecto contundente co que o seu ex-compañeiro --en búsqueda e captura-- a golpeou fortemente e en repetidas ocasións na cabeza. O corpo foi atopado por volta das 13.00 horas.
Con esta suman xa catro mulleres nos últimos 7 días após o asasinato de Verónica Frías (Málaga) na segunda feira, Sara Fernández (Pazos de Borbén), na terza feira e Mari Carmen Marín (Almería) o pasado sábado.
No que vai de ano suman xa 49 feminicidios no conxunto do Estado español, 6 deles na Galiza.