O Parlamento Europeo aprobou esta terza feira que, a partir de 2024, os teléfonos móbiles e outros dispositivos electrónicos que se comercialicen no conxunto da Unión Europea (UE) só poderán empregar o cargador USB-C, que pasará a ser o modelo universal no territorio.
Empresas como Apple ou Samsung veranse obrigadas a cambiar os portos de carga dos seus dispositivos electrónicos para adaptalos ao tipo C.
Para levar a cabo esta iniciativa, foi necesario levar a cabo unha modificación da Directiva de Equipos Radioeléctricos da Unión Europea.
El PE ha aprobado el cargador único universal.
— Parlamento Europeo en España (@Europarl_ES) October 4, 2022
📍Antes de que acabe 2024, todos los teléfonos móviles, tabletas y cámaras que se vendan en la UE deberán incorporar un puerto de carga USB tipo C.
📍A partir de 2026, también deberán hacerlo los ordenadores portátiles.
Más 👇
O obxectivo desta medida é, segundo trasladou o propio Parlamento Europeo, reducir paulatinamente nos vindeiros anos as 11.000 toneladas anuais de residuos electrónicos que xera a UE actualmente.
Maior prazo para os portátiles
En canto aos portátiles, a nova normativa europea outorga un maior prazo aos fabricantes para que leven a cabo esta adaptación dos cargadores. No seu caso, contarán con 40 meses a partir da entrada en vigor desta lexislación para levala a cabo.
Grazas a esta normativa, as persoas que compren un novo dispositivo electrónico non deberán mercar un cargador que se adapte ao porto de carga, e poderán empregar o de anteriores dispositivos que empregasen o USB-C.
Ademais de móbiles e ordenadores portátiles, a medida tamén engloba libros electrónicos, tabletas, auriculares e cascos sen cable, consolas e altofalantes portátiles e mesmo ratos ou teclados que precisen de carga.