26 persoas falecidas. 406 hospitalizadas a día 11 de xaneiro (última actualización). Eses son os grandes números que deixa o pico de gripe que está a sofrer o país nas últimas semanas, segundo os dados recopilados polo Sergas.
Das 26 persoas falecidas un total de 13 non se vacinaran contra a gripe, embora en todos os casos estaba indicado que se protexeran contra o virus ao faceren parte dos grupos de risco.
Fan parte dos grupos de risco as persoas de 60 ou máis anos -especialmente as maiores de 65-, aquelas de calquera idade que residen en institucións fechadas (residencias de persoas maiores e outros centros de atención a crónicos), as mulleres grávidas en calquera trimestre de xestación e os individuos menores de 60 anos que teñan patoloxías de risco.
Este pico de gripe ten atinxido até o momento 844 persoas (declaradas sanitariamente como afectadas), das cais 68 por cento tiñan o virus da gripe B, 20 da gripe A e B e o resto, da A.
54 por cento das persoas ingresadas polo virus non se vacinaran.