María Antonia Dans. Unha artista en busca de relato

Este ano celébrase o centenario do nacemento de María Antonia Dans, unha artista que ocupou un lugar principal na súa época pero que na actualidade continúa a ser vista desde unha óptica pouco contemporánea. As dificultades coas que debeu enfrontarse -unha muller tratando de desenvolver unha carreira como pintora en plena ditadura franquista- provocaron que a súa obra sexa xulgada desde parámetros que ocultan a verdadeira natureza do seu proxecto artístico. O centenario móstrase como unha oportunidade para recuperala.