Perante a decisión do goberno español de desistir na defensa da prórroga a Ence, o PP teima en esixir a permanencia do complexo contaminante no seu emprazamento actual. Nesta liña, Tahoces denunciou que o desestimento do goberno español afecta as competencias da Xunta e que impacta negativamente na economía.
A resposta de Tahoces débese á pregunta que con carácter de urxencia presentou Miguel Tellado, secretario xeral do PP na Galiza, quen considera responsábel o goberno central de facer perigar miles de postos de traballo en Pontevedra derivados directa e indirectamente de Ence.
Tellado ve Pedro Sánchez "un perigo para a industria galega", e puxo como exemplo a maiores do complexo contaminante en Pontevedra, a situación de Meirama.
Tahoces concluíu cualificando que a economía galega, o emprego e a industria atópanse en situación de perigo debido á acción do goberno central.