Un vídeo editado pola Xuventudes Socialistas denuncia o posicionamento contrario de Alberto Núñez Feixoo á moción presentada polo PSdeG a prol da gratuidade das primeiras matriculas universitarias e denuncian que o seu sentido do voto fose igual ao de Vox no parlamento andaluz.
Na peza audiovisual “vese como o único partido na cámara andaluza que vota en contra da gratuidade das matrículas para o estudantado universitario é Vox", sinalou o secretario xeral das Xuventudes Socialistas Galegas, Áitor Bouza, e tamén se visualiza como o único partido que votou en Galiza en contra desta mesma proposta foi o PP de Feixoo.
Desde as mocidade do PsdeG queren denunciar que “o presidente da Xunta e Vox son o mesmo”
Desta maneira, desde as mocidade do PsdeG queren denunciar que “o presidente da Xunta e Vox son o mesmo” polo que “as persoas que desexasen votar a Vox xa teñen a Feixoo”, afirmaron. Bouza sinalou ademais que as políticas que defenden o presidente da Xunta e Vox son as mesmas e “van directamente en contra da mocidade”.
Piden a Feixoo que aclare se pactará con Vox nos concellos
Diante da data do 26 de maio con eleccións europeas e municipais, desde as xuventudes do PSdeG instaron a Feixoo “a aclarar que vai facer para conformar os gobernos municipais en Galiza" no sentido de se ante a perda de hexemonía do PP optará por apoiarse en Vox “como defendeu cando Pablo Casado decidiu apostar polo pacto co partido de ultradereita”, sinalou Bouza.
📣📣@FeijooGalicia vai de moderado, pero á hora da verdade vota o mesmo ca VOX en contra da mocidade... pic.twitter.com/QigQkX9Yr0
— Xuventudes Socialistas /❤️ (@XSGalicia) 2 de maio de 2019![Publicidade 196259]()
