xoves 01/10/20

Urkullu convoca consello extraordinario e todo aponta a que anunciará eleccións para o 12 de xullo

As eleccións galegas e vascas coinciden na data desde 2009. Núñez Feixoo xa sinalou que optaba porque os comicios tamén coincidisen nesta ocasión. 
Urkullu debate hoxe cos partidos pór os comicios en xullo.
Iñigo Urkullu

O presidente, Iñigo Urkullu, convocou un Consello extraordinario de Goberno vasco hoxe segunda feira ás 13 horas e, máis tarde, ás 15 horas, comparecerá publicamente, probabelmente para anunciar eleccións para o 12 de xullo.

Pola súa banda, o presidente da Xunta, Núñez Feijxoo, dixo este domingo que convocará eleccións "máis cedo que tarde" porque teñen que celebrarse "de inmediato" para evitar un rebrote da COVID-19. As  eleccións en Galiza e Euskadi coincidiron sempre nesta última década, incluída a data do 5 de abril, as citas coas urnas que tiveron que pospoñerse por mor da pandemia.

Ambas convocatorias (Consello e comparecencia do lehendakari) no País Vasco coñecéronse ás 9:30 desta mañá.

Todo apunta a que Urkullu anunciará eleccións para o 12 de xullo, unha vez escoitados os partidos políticos nunha reunión do 14 de maio, un requisito establecido por Urkullu no decreto do 17 de marzo, que anulou as eleccións do 5 de abril.
 

comentarios