Transportes sitúa para o verán a chegada dos trens Avril á Galiza

Cifra en 18 millóns o aforro polas bonificacións na AP-9.
La ministra de Transportes, Movilidad y Agenda Urbana, Raquel Sánchez, comparece después de su reunión de trabajo con el presidente de la Xunta de Galicia, a 21 de enero de 2022, en Santiago de Compostela, A Coruña, Galicia (España). La Xunta y el Ministerio de Transportes han retomado las reuniones de trabajo iniciadas por el anterior ministro de Transportes. El fin de la reunión es que se acelere la segunda fase de la alta velocidad gallega, con la propuesta de evolucionar del ancho ibérico al internacional en el tramo Ourense-Santiago, con el objetivo de que los trenes de alta velocidad estrictos en ancho fijo, tanto de la Renfe como de la competencia, pueden llegar a la estación de Santiago. Por el momento, el AVE solo llega a Ourense
21 ENERO 2022;AVE;ALTA VELOCIDAD;TRANSPORTES;RUEDA DE PRENSA;XUNTA;GALICIA
Álvaro Ballesteros / Europa Press
21/1/2022
photo_camera (Foto: Álvaro Ballesteros / Europa Press)

A ministra de Transportes, Raquel Sánchez, asegurou que o Goberno español fará "todo o posíbel" para que os trens  Avril cheguen no verán a Galiza e tamén vexa mellorados os tempos do AVE, xa que a conexión de Ourense co resto de urbes reducirase en 20 minutos; aínda que se mostrou cauta e advertiu que, aínda que existe "o compromiso" de Talgo, dependerá das probas de seguridade.

Así o trasladou na rolda de prensa posterior á reunión que mantivo en Santiago co presidente da Xunta, Alberto Núñez Feixoo. Na súa quenda, o mandatario galego defendeu que ter estes trens circulando "en xuño" sería o óptimo e subliñou que "non é o mesmo" que cheguen nese mes, previo á maior afluencia turística dos meses estivais, que "en setembro".

Pola súa parte, a preguntas dos medios, a ministra confirmou que o verán é "o horizonte desexábel" para que poidan circular por Galiza os trens Avril e que, dado que existe o "compromiso" de Talgo, están a realizarse "todos os esforzos" para que se materialice. Aínda así, advertiu que as probas de homologación e seguridade "requiren os seus tempos".

"Partindo desa premisa e con esa base, faremos todo o posíbel para que poidan circular no verán. Hai que ser cautelosos, pero sería o desexable", sentenciou Sánchez.

Ap-9

A ministra de Transportes, cifrou en 18 millóns de euros o "aforro" dos usuarios e usuarias da AP-9 na Galiza entre 29 de xullo e 31 de decembro, debido ás bonificacións nas peaxes aprobadas no seu día polo Goberno español.

Sánchez lembrou que se articularon 2.300 millóns de euros ata 2048 en bonificacións da AP-9, incluída a gratuidade entre Vigo e Redondela, polo que se poden cualificar, dixo, como "históricas". A preguntas dos xornalistas sobre o expediente aberto en Europa e a carta a España pola prórroga da concesión da AP-9 até 2048, confirmou que "se procedeu a contestar á mesma", mais evitou concretar o contido porque se trata, esgrimiu, de "información reservada". "Haberá que ver como finaliza este expediente", resolveu.

Financiar autovías

En relación ao novo modelo para o financiamento de estradas no que traballa o Goberno, Sánchez dixo que tentará que o sistema saia adiante cos "máximos consensos". A ministra ratificou que a proposta do Goberno español "someterase a consideración de todos os territorios implicados".

Apoia Nós Diario

Se estás lendo de balde este xornal é grazas ás máis de 3.000 persoas subscritoras. A información independente ten un prezo. Apoia un xornalismo galego e sustentábel subscribíndote a Nós Diario ou facéndote mecenas.

comentarios