Rubén Cela (Lugo, 1979) asumiu responsabilidades na área de Comunicación do BNG.
Cando os resultados dunha forza política son maos, o tópico apunta a que esa organización non comunica ben. Que ten que facer o BNG para comunicar mellor?
O BNG pode comunicar mellor, e dígoo sen ser un especialista na materia.
Pero vaste ter que facer...
Si, ou rodearme de xente que o sexa, o intelixente é rodearte de xente que saiba máis que ti das cousas. É fundamental ter unha concepción da comunicación máis transversal, comunicación é hoxe todo, non só as roldas de imprensa ou as redes sociais, ou entendes que toda a organización cada día que se levanta está comunicando ou pouco tes que facer.
E tes xa dúas ou tres ideas?
Temos que ir a mensaxes máis claras, máis entendíbeis e transmitilas dun xeito máis firme e contundente.
A íntegra da conversa, unha entrevista a dupla páxina, tela ao teu dispor no número 188 do semanario, xa na nosa loxa e nos pontos de venda habituais.